мојата љубов е пожртвувана како кога јас вегетаријанка те носам тебе на вечера
4:18 PM
0 comments

чекорите до тебе ми се бројат во ноќи далеку од твојот кревет
спакувани во мене како ладна вечера после девет
(се јадам ситно сецкана и потпечена
со заби или цивилизирано со нож и лажица)

меѓу-нас-прстниот простор во денови
фрлени како цигари до бледило испиени
(со колку инстант кафе вечно траење
и пијано ткаење и отпосле мамурно каење)

нашата љубов е мала пештера
лесно одминлива и дополу потопена
репродуктивна купола
на лилјаци
во разбудените месеци на јуни и јули

што би значело на еден лилјак да си му цвет?
на ќерка на екс-спелеолог хелактит
од кој го започнува својот лет?
четирите ѕидови со тебе се пет
на шестиот под лежи седмиот свет

припадност е разлика на боја
пример, јас сум црна, бела или моја
мирис е припадност по допир
пример, јас сум ти, глас или вапир
шепот е нешто од сенка
како онаа свената и тенка
на кошулата на Ленка

може се песни на лилјаци
што ми го осветлуваат патот
низ твоето маало
или готвеното говедско
од комшискиот двор
може ме фаќа маја
од приспивната за бубамара
меѓу становите отспротива
или ќерамидите на покривите
како склопени крилја
на птици меѓу липите
и заспаните прозорци
од нечија будна спална соба
што ме тера да се пофаќам со рака
како да сакам да проверам ил сфатам
дека се` уште сум твоја


Tweet

Шеќернолимонова
...јас секогаш во полглас ги изговарам истите зборови: „Јас ве љубам, Надењка!“


твојата љубов е ненасилна како бакнеж наместо шлаканица за да замолчам
2:49 PM
0 comments

ante scriptum

само да помислам на твоето ќебе, се стоплувам



посвети ми се како на диета
биди горд на мене како на животен стил
испи ме како да сум ти во кафето сираче планета
чешкај ме како да сум јадеж ждерен на твојот тил




знам само за јазик од три збора:
ти, јас и ние.
за граматика со два пола:
горниот и долниот крај од твоето мое ќебе што ми е.




електрицитетот меѓу волнените ни чорапи
е термоелектрана со спалувачки капацитет
опасен по четири соседни галаксии




нашата љубов доаѓа со nota bene како предупредување:


Внимание. Исцрпување на сончевата светлина како последица
од една отповеќе фатална прегратка или продолжена насмевка.
Доаѓање до ѕвезден помор заради неконтролирани окуларни одблесоци
и најстрого интергалактички контролирани негативно егзистенцијално окарактеризирани навидум безпоследични по теориска линија пеперуткаво лесно полетни опасно незабележливи од векови крадешкум давани и со глумено одбивање подарувани, а такви, малечки, кој би рекол, кој би помислил, кој прв се осудил да ги осуди, и да ги опише и просуди, да ги обои и во страв и срам и страст да ги пие, па ако едно мене едно тебе делиш да сопрам тука криво ми е, слободно поземи си, без здив никој не останал за да се откаже од тие. бакнежи


Tweet

Шеќернолимонова
...јас секогаш во полглас ги изговарам истите зборови: „Јас ве љубам, Надењка!“