оти на овој ден си ми посветен
5:16 PM
0 comments


да беше книга ќе те најдев
под ситен облак
под дебела врева
под Веселата мудрост на Ниче,
ти ќе беше мојата незапочната Одисеја

ќе ја поткреваше левата ногарка
на трпезариската маса
јас, почудена над книгата за готвење
зошто тестото за пица не сака да стаса?

со санка ќе ме пушташе
удолу речениците твои
чии краеви ќе се ежеа
како опаш на мачка
небото на деновите што ми го бои

на твојата прва глава
ќе бев на очилата рамка
во која очите се зарабуваат
во писателско-книжевна замка

дискусиите ќе ни беа сестрани и литературни,
кавгите добро аргументирани,
на домашните (оти неначитани) ќе им бевме чудни

ќе се среќававме на спојот
од 4-та и 5-та страница
како меѓу 4-ти и 5-ти кат,
11-то поглавје ќе беше
Старата железничка станица
нов параграф - ново скалило
или кон Зоолошката новоасфалтиран пат

секој ден ќе ни беше како прво читање
после кое со моливче
ќе те обележував со нова цена:
некојпат ќе чинеше
колку порано завршување на втора смена,
живците на татко ми менувајќи ги
жиците на 5-те прегорени фена,
крцкањето на штурците
додека мојата песна е на сцена
или колку еден лист хартија
кој спие, а нечија уста фаќа пена.


Tweet

Шеќернолимонова
...јас секогаш во полглас ги изговарам истите зборови: „Јас ве љубам, Надењка!“


како што песнава не содржи наслов
3:18 PM
0 comments

моето тело го содржи мирисот на езерото
кое ти се чува меѓу прстите
тајно како прва причесна
меѓу тебе, виното и усните
како што мојата љубов
ги содржи сите други љубови
неодделиво како мастика во коса
од првата симпатија
како што мојот сон содржи мапа
на сите твои патишта

моето тело ти го задржува мирисот
на хоризонтот удавен западно од клепките
тешко како прва молитва
меѓу здивот, зборот и ѕидовите
како што мојата љубов
ги чува сите други љубови
упорно како прва настинка
од која боли уво, нос и грло
како што мојот сон ги чува
сите твои овци во трло

мирисот на тетратките
на твоите први домашни
ми ги пишува песните како совети
во случај на срце со фабричка маана
кое се јавува на секој час
како звук заглавен во брава
или каталози
на пристојни цени за купувачи
на парчиња небо задржани
меѓу две суви есенски гранки


мирис колку еден просечен кумулус на вага
што вирее на места со висок процент на влага
отмен колку на чајанка потпијанета дама
што пее оперски арии кои водат кон штама

мирис еластичен
            пластичен
            вечен
влечен за да биде слечен
во една точка на крајот.


Tweet

Шеќернолимонова
...јас секогаш во полглас ги изговарам истите зборови: „Јас ве љубам, Надењка!“